شكران مرتجى تتعرض لموقف محرج عند زيارتها للطبيب.. هذا ما حصل معها

وكالة أوقات الشام الاخبارية / shaamtimes.com

روت الممثلة السورية شكران مرتجى ما حدث معها بأسلوب طريف، حيث كتبت: “قبل شوي كنت بمركز طبي بسبب السعال الشديد وحرقة العيون والذي منه، والدكتور عم يفحصني قلي انت شو عاملة قلتله ليش حليانة صغرانة مو؟؟؟ قلي لا مدام بس صاير عندك حساسية شديدة الأفضل تنتبهي هالفترة من الروايح.

. ولا شي حالياً عم حس أني قد السمسمة ويمكن كان بده يحولني ع دكتور نفسي بس خجل لأنه وهو عم يكتب الوصفة لما سألني عن عمري قلتله ٢٥ سنة عمري ههههه وضحكت ماعلق هلق هون حسيت إني شوال سمسم”. وتابعت ممازحة: “حباب الدكتور ومحترم حقيقة دار وشه وصار يضحك قلتله جاملني قلي بدك مرتي تقتلني هلق على حظي خفت من مرتك يوو، عندي مراجعة السبت رح أبعت أختي تراجع بدالي”.

وكانت شاركت شكران مرتجى خلال الموسم الرمضاني بمسلسل “زقاق الجن” ومسلسل “الكرزون”، بالإضافة إلى مشاركتها في الجزء الثالث من مسلسل “حارة القبة”، وحلولها ضيفة على مسلسل “صبايا” الجزء الثالث.

اقرأ المزيد: بفستان مكشوف من الشبك.. زوجة راغب علامة حديث الجمهور بآخر ظهور لها