شكران مرتجى غاضبة من شركات الانتاج: بياخدو حقنا !
وكالة أوقات الشام الاخبارية / shaamtimes.com
عبرت الممثلة السورية شكران مرتجى عن غضبها من شركات الإنتاج التي تمنع الممثلين من نشر مشاهدهم في المسلسلات على حساباتهم عبر مواقع التواصل الاجتماعي.
وطالبت شكران، من خلال منشور عبر فايسبوك، من الفنانين أن يضعوا بندا خاصا في العقد يسمح لهم في مشاركة أعمالهم، و ان كان على شكل مقاطع، واتحتفظ الشركة بحق نشر العمل كاملا.
اذ كتبت شكران في منشورها: “بعد المرحبا وكل الحب.. في فمي ماء، مو معقول الممثل بالدراما السورية مابيقدر ينزل مشهد ماستر إله حبوه الناس بعمل هلك وتعب وهو عم يشتغل ويصور ويبحث ووو كل القصص اللي بتعرفوها لياخد أذن ؟؟؟؟نعم ياخد أذن !!!!! لانه ممنوع تنزل مشان الحقوق بفهم الحرص والخوف”.
وأضافت: “وكمان حصرية الربح والمصاري حتى أنمنعنا ننزل مقاطع ع اليوتيوب الخاص فينا لانه الشركات بتنزل المقاطع على حسابها الخاص عاليوتيوب مشان تربح وتربح وتربح وتربح يعني مابيكفي الاجور الجميلة اللي بناخدها (البعض)لسه بياخدوا منا حقنا أنه ننشر مقاطعنا ومشاهدنا اللي بتعمل دعاية للمسلسل أصلاً”.
وتابعت: “يعني ببساطة أسمحوا للممثل ينزل مقطع والحلقة كاملة عندكم ونحنا بنحول العالم لتشوف على حساباتكم وتربحوا أكتر وتعبوا مصاري وتنتجوا عمل جديد ولما تبعتولنا دور ونحكي بالمصاري بلع لوراق المصحف إنه المسلسل الماضي ما ربحتوا”.
واردفت: “عم تبيعوا العمل لمنصات ومحطات والله يرزقكم وهاد حقكم بس هاد المنع الغير مشروع مو منطقي أبداً وع كل بطلب من كل زملائي وزميلاتي نحط شرط بالعقد اللي غالباً لابيقدم ولابيأخر مابيضمنلك شي لا أسمك بالشارة ولاوجودك ببوستر ولا شي… بيضمنلهم الهم كل حقوقهم، ونحنا عالأغلب بننقعه وبنشرب ميته أنه النا حق في مشاركة مشاهدنا على مواقع التواصل وعلى حساباتنا عاليوتيوب بند رئيسي”.
وختمت شكران: “وبتمنى عنجد نعمل هيك في فنانين كانوا يعيشوا من اليوتيوب لانه الفنان مارح يطلع يصنع عجةع حسابه بيحط مشاهده.. شكراً”
من جهتهم، تفاعل بعض المنتجين مع كلام شكران، مخالفين اياها في الرأي منهم المنتجين صلاح طعمة وعماد ضحية.
اقرأ المزيد: نسرين طافش تطل من الجيم.. وتدهش المتابعين برشاقتها
