الحرب تشتعل بين نادين نسيب نجيم وديما صادق: “معوّدة على المسبّات والشتايم”
وكالة أوقات الشام الاخبارية / shaamtimes.com
دخلت الإعلامية اللبنانية ديما صادق في مشادة كلامية مع مواطنتها النجمة نادين نسيب نجيم، بسبب استخدام الأخيرة كلمة “زبّال” في ردّها على أحد منتقدي حديثها عن الزلازل التي ضربت منطقة الشرق الأوسط أخيراً.
وغرّدت نجيم من خلال حسابها الرسمي في موقع “تويتر” قائلةً: “هزّة أرضية هلئ صرلي من مبارح عم حس إنه في شي غريب وما نمت مبارح بالليل”، فعلّق مغرّد: “شوفي شو عم تاكلي بالليل قبل ما تنامي؟”، فأجابته نجيم: “زبّال”.
وأعادت صادق تغريدة ردّ نجيم وعلّقت عليها قائلةً: “ولو؟ ولو؟! ممثلة لبنانية بتستعمل مهنة “الزبال” كشتيمة؟! شي مخزي جداً إنه يكون مستوى الوعي والإنسانية والشعور والثقافة متدني لهذه الدرجة عند أشخاص بيأثروا بملايين المعجبين. طبعاً من المسلَّمات إنه ما في شي مهين بأي مهنة، المهين للجنس البشري إنه يكون في ناس يفكروا بهالطريقة”.
https://twitter.com/nadinenjeim/status/1628406160876359680?ref_src=twsrc%5Etfw%7Ctwcamp%5Etweetembed%7Ctwterm%5E1628406160876359680%7Ctwgr%5E17c3f1413e2cf0ff609437ecbd16361c996bd038%7Ctwcon%5Es1_c10&ref_url=https%3A%2F%2Fwww.lahamag.com%2Farticle%2F193075-D8A7D984D8ADD8B1D8A8-D8AAD8B4D8AAD8B9D984-D8A8D98AD986-D986D8A7D8AFD98AD986-D986D8B3D98AD8A8-D986D8ACD98AD985-D988D8AFD98AD985D8A7-D8B5D8A7D8AFD982-D985D8B9D988D8AFD8A9-D8B9D984D989-D8A7D984D985D8B3D8A8D8A7D8AA-D988D8A7D984D8B4D8AAD8A7D98AD985
ودفع هجوم صادق على نجيم الأخيرة إلى الردّ: “حبيبتي ديما إنت معوّدة على المسبّات والشتايم بتحسّي حالك عندك قيمة، أنا ما معوّدة راسي ما بيحملني هيك اتربيت خاصة إذا حدا اتطاول عليي بشكل كتير بشع. والزبّال هو يلي بيكب وسخه وين ما كان ونفسيته وسخة. يلي بينظف ما اسمه زبّال وما بعيّطله زبّال لأن بكون عم بجرّحه، هيك علّموني بالمدرسة”.
وعادت صادق إلى التعليق مجدداً: “نادين، أنا لما إختار رد عادة بختار مستوى معين من الناس بيستاهلو الرد. عندي مستوى معين ما بنزل عنه. أنا الناس اللي بتفتكر إنه كلمة ومهنة زبّال هي كلمة مهينة فهول ناس أكيد ما بنزل لمستوى الرد عليهن لسبب إنه حتى لو ردّيت مستواهم الفكري والثقافي ما بخوّلهم يفهمو الجواب، متل ما واضح من ردّك”. وأضافت: “فلهيك ما تتعبي حالك وتردّي ع هل تويت لأني ما حردّ، وفّري ع حالك هالإحراج، أحسن ما يقولو: “ما تعّبت حالها تنزل لمستواها وتردّ عليها””.
https://twitter.com/DimaSadek/status/1628409747266326530?ref_src=twsrc%5Etfw%7Ctwcamp%5Etweetembed%7Ctwterm%5E1628409747266326530%7Ctwgr%5E17c3f1413e2cf0ff609437ecbd16361c996bd038%7Ctwcon%5Es1_c10&ref_url=https%3A%2F%2Fwww.lahamag.com%2Farticle%2F193075-D8A7D984D8ADD8B1D8A8-D8AAD8B4D8AAD8B9D984-D8A8D98AD986-D986D8A7D8AFD98AD986-D986D8B3D98AD8A8-D986D8ACD98AD985-D988D8AFD98AD985D8A7-D8B5D8A7D8AFD982-D985D8B9D988D8AFD8A9-D8B9D984D989-D8A7D984D985D8B3D8A8D8A7D8AA-D988D8A7D984D8B4D8AAD8A7D98AD985
اقرأ أيضا: ليست لبنانية وأهداها سيارة فخمة.. وائل كفوري يتزوج للمرة الثانية مدنيا في قبرص
