عمرو أديب يفجر مفاجأة.. ويكشف عن راتبه
كشف الإعلامي المعروف عمرو أديب عن تفاصيل راتبه السنوي، مستهزئاً بالأرقام الشائعة حول دخله، مؤكداً “أنا مش كريستيانو رونالدو”.
وفي حديثه خلال القمة العالمية للحكومات في دبي، قال أديب: “أنا باخد 2.5 مليون دولار سنوياً (ما يعادل حوالي 126 مليون جنيه مصري)، وما بقولش كده تفاخرًا، ومهنة الإعلامي في العالم العربي مش سهلة”. وأضاف مازحاً: “سيبك من اللي بيقول 15 مليون.. أنا مش رونالدو”.
الحديث عن "أكل العيش" في الإعلام المصري أهم من الحديث عن حلف شمال الأطلسي.. هذا كان رأي الإعلامي المصري عمرو أديب خلال مشاركته في #القمة_العالمية_للحكومات pic.twitter.com/ZB9N8dhMty
— World Governments Summit (@WorldGovSummit) February 13, 2025
وتابع قائلاً: “ناس كتير بتيجي تقول لك إنك ما قلتش كده، طب قول إنت وشوف هتعملها إزاي، أنا دائمًا بحاول أقول للناس إن الأسعار فعلاً مرتفعة، وأكتر مشكلة واجهتها مؤخراً كانت ارتفاع سعر البيض”.
وأشار إلى أن “المواطن العادي مش مهتم بحلف شمال الأطلسي، هو بيهتم بسعر البيض، اللحمة، والأرز، ودي هي السياسة الحقيقية في مصر”.
وأكمل قائلاً: “لما نبدأ نتكلم عن الأحزاب أو التمثيل النسبي أو أي موضوعات معقدة تانية، هات الحروف اللي إنت عايزها، لكن لما نتكلم عن أكل العيش، لازم نفهم إننا كلنا بنعيش في ظروف مش سهلة، مش في بلد واحدة بس”.
ويُذكر أن عمرو أديب يقدم برنامج “الحكاية” على قناة “MBC مصر”، حيث يناقش فيه أهم القضايا والملفات الساخنة في مصر والعالم العربي.
العربية نت
