في حادثة تقشعر لها الأبدان.. باسم ياخور يرْوِي تفـاصيل نجاته وكيـف انكتب له عمرٌ جديد

وكالة أوقات الشام الاخبارية / shaamtimes.com

روى باسم ياخور ” تفاصيل حادثة تقشعر لها الأبدان حدثت معه ونجى فيها من موت محقق, وحكى ياخور تفاصيل ما حدث معه في لقاء تلفزيوني:

مرة كنت عم صوَّر مسلسل ولا بيجيني شب اسمو خالد هو من الشباب الفـنيين يلي عم يشتغلو معنا .. بقلي عندو موضوع بدو ياخد رأيي فيه ومسـاعدتي .. فقلتلو إي بس شوفة عينك عم نصّور وبس نرتاح تكرم ”
باسم ياخور ” هاد الشب كل مايشوفني بدي أشرب شي أو أقعد شوي .. يجي لعندي ويقلي استاذ لا تنسى ها .. عم ذكرك بس .. وكان يـلح كتير عليي كتيررر .. وأنا قلو ماني نسيـان تكرم وتكرم وهو يلح يلح ”
باسم ياخور ” طول اليوم هيك يجيني ويقلي عم ذكرك بس .. وآخر شي صرت أتـوتر منو لأنو طول اليوم عم أحفـظ حوار للمسلسل وآخر اليوم خلصت تصـوير وأجيت لأطلع بسيـارة من مكان التصوير لحتى روح على تجـمع السيـارات .. وكان في طريقين .. طـريق مدتو 10 دقايق بصير بمكان التجمع وطريق تاني مدتو 45 دقيقة وأنا أخترت الأقصـر لأنو تعـبان كتير ”
باسم ياخور ” وقت طلعت بالسيـارة أنا وطاقم العمل لحتى نروح بالطـريق المختـصر وقبل مانمشي بينفتح البـاب وبكون خالد وبقول بعد أذنكم بدي الأستاذ باسم .. أنا شفـتو اتدايـقت لأنو تعـبان كتير كنت .. فبيجي بيحمل أغـراضي تبع التصـوير وبنـزلهم على سيـارتو وبقلي منحكي عالطـريق بالموضوع ”
باسم ياخور ” خالد أخدني بسيـارتو للتجـمع لمكان سيـارتي بالطـريق الطـويل يلي مدتو 45 دقيقة وحكالي الموضوع تبعو .. وصدقاً بالله الموضوع كتير عادي ما بدو كل هالإلحـاح أبداً .. أنصـدمت لما عـرفت الموضوع لأنو كتـير فـاضي وعـادي وأقـل من عادي .. ووصلني لسيـارتي ووصلت عالبيـت وكان آخر الليل ”
باسم ياخور ” وأنا نايم بينـدق جهـازي السـاعة 5 الصبح ولا بيطلع خالد فبقلو ياخالد مشـان الله ارحـمني ضل نص ساعة وبدي روح عالتصـوير .. فبقلي مافي داعي استاذ .. انزيـل عالمشـفى الفلاني ورح تعـرف كلشي ”
باسم ياخور ” انـزلت عالمشـفى ولا بـلاقيه هنيك وبشوف كـل طـاقم العمل يلي كانو عم يصـورو معي متعـرضين لحـادث ومفـارقـين الحيـاة بالكـامل ”
باسم ياخور ” القصـة إني السيـارة يلي طلـعت فيها أول مرة تبع الطـريق المختـصر 10 دقـايق ضـربها قطـار لأنو الدني ليل كان وكان متعطـل حـاجـز القطـار يلي بيمـنع السيـارات وكان ضبـاب .. فـ ضـرب القطـار السيـارة وجمـيع يلي فيها فـارق الحيـاة ”
باسم ياخور ” رب العالمين رسم حالة خاصة منظـمة إني أنا متـدايق من الطـريق الطويل ورفـضت كذا مرة أطلع مع خالد وبالأخير طلعت بالطـريق الطـويل وانكتبلي عمر جديد .. بس الشي يلي كنت حابو الطـريق القصير .. جميـع يلي فيـه راحو ” .