قصي خولي: أول حُب حقـيقي بحياتي كان وقت كنت صف تاسع.. من هي؟
” أول حُب حقـيقي بحياتي كان وقت كنت صف تاسع, حبيت بـنت معي بالمدرسة إسمها مرال وهاد الحُب مرة وحدة بيجيك بالحياة وبكون صادق وبمشاعر مختلفة ” هذا ما كشـفه الممثل ” قصي خولي ” حول فتـرة مراهـقته.
وأضاف قصي: ” على قد ما حبيتها اختـرعت كـذبة وحيـلة لحتى أنتقل لصفها بوقتها رحت عالأدارة وقلتلو للمدير إني الشعبة يلي أنا فيها كتير مشاغبين وأنا بدي انتقل للشعبة التانية لأنهم شاطرين وصاحبين نجاح ومستقبل ونقلوني وهنن لا صاحبين نجاح ولا مستـقبل وأنا أساساً بكـره شي أسمو دراسة بس كـذبت لأني بحبها “.
وبعد ما نقلوني صار بدي أنتقل لمقعدها وعملت صحـبة مع رفيقتها صرت أتقرب منها لأنو بستـحي كتير قلها لمرال بحبك وفعلاً أجت مرال سلمت عليي ووقت سلمت, قسـماً بالله العلي العظيم أنقـطع نفـسي وقلبي بطـل يدق وبعدين صرت جنبها بالمقعد “.
المدرسة كلها صارت تعرف منحب بعض وعطول ماسكين ايدين بعض مع انو ولا مرة اعترفنا لبعض لأني بخجل وبستـحي وحبيتها بشكل مو طبيعي وكنت معلق صورها فوق تختي وقت فيق شوفها .. وهنن مو صورها بس كانت نسخة عن مطربة تركية أسمها سيبلكان ”
قصي خولي ” من خجلي الزايد مرة قررت أعترفلا بحبي بعد سنة كاملة وأجيت عالمدرسة راسم عأيدي قلب حب وحرف اسمي واسمها وكلمة بحبك.
وقعدت جنبها وطول الحصة متـردد ومستحي لوقت نكشـتها بكتفي وفتحتلا إيدي بعد ما قـويت قلبي قام قالتلي شو ..
قلتلا شو شو .. قالتلي إي شووو .. قام أتطلعت أنا عأيدي ولا لقيت القلب والحرفين ممسـوحين لأنو طول الحصة مسـكر إيدي وعرقانة إيدي من الخجل وأنمسـحو .. فهون قلت بقلبي يلـعن أخـتها لهالقـصة و انتهت المدرسة ولا اعتـرفتلا “.
