أنواع اليدين باللهجة السورية.. مصطلحات ستدهشكم!

وكالة أوقات الشام الاخبارية / shaamtimes.com

تتفرد اللهجة السورية بغناها وتنوع المعاني فيها, حيث يرصد هذا المقال كلمة يد التي يتم استخدامها بسياقات ومعاني مختلفة في اللهجة السورية:

– إيدو بيضا : يعني صاحب فضل و خير ومعروف.
– إيدو ماسكة : بخيل .
– إيدو خضرا : يزرع و تُثمِر زريعته.
– إيدو طايلة : بيقدر يعمل شغلات كتيرة .
– إيدو واصلة : واسطتو قوية .
– إيدو طويلة : يؤذي من حوله ..
– إيدو خفيفة : حرامي لص شاطر .
– إيدو فاروطية : مبذر ، مسرف .
– إيدو ع قلبو : بيخاف كثير .
– إيدو و الكف : عصبي ، ما في معو تفاهم .
– إيدي بحلقو : صارف عليه و عازمو ألف مرة.
– إيدي بزنارك : بطلب مساعدتك .
– إيد من ورا و ايد من قدام : مفلّس و ما معو شيء.
– جايه يلولح بإيديو : راجع مو جايب شيي معو .
– إيدك وما تعطيك: تهديد ، إِلي بيطلع بيدك سويه .
– على حطة أيدك : متل ما أنا لا تغيير.
– اللي ايدو بالمي مو متل اللي ايدو بالنار : مو هكلان هم ناس .
– ماسكو من ايدو الي بتوجعو : ماسك عليه ممسك.
– ايدي عراسك : احلف بدون كذب ..
– شو طالع بايدي : اللي مغلوب على امرو .